Blogger Widgets

Monday, November 5, 2012

Drill Display



කිසිම kick එකක් නැතිව ඔහේ පොත්පත්එක්ක පාඩම් වැඩවල ඇලිලා හිටපු අපිට එකපාරටම මාර වැඩක් set වුණා. ඒ 2009 අවුරුද්දේ. අපිට ඉහලින් නියෝගයක් ආරාධනාවක් ලැබුණා drill display එකට සහභාගීවෙන්න කියලා2009 සහ 2010 අවුරුදු දෙකේම. මේකෙ practices තියෙන දවසවල, ඒ කියන්නෙ පටන්ගැන්මේ ඉඳලා පළවෙනි වාරයේ අගක් විතර interval වෙනකම්ම උදේ වරුවම අපිට practices. ඒ නිසා ඉතිං interval එකට කලින් periods හතරම free .

අපි ඉතිං කාලා බීලා එහෙම, cap එකක් කාරිය දමාගෙන ground එක පැත්තට පාත්වෙනවා ඉස්කෝලෙ පටන්ගත්ත ගමන්ම*. Ground එක කිව්වාට කොහෙද අප්පා අපිට grounds? එක්කො කිසිම සමතලා බවක් නැති rampart එක හරි, Army ground එක හරි තමයි හැමතිස්සෙම අපේ පිහිටට එන්නේ.මොන හේතුවක් හින්දා ද මංදා ළමයි කවුරුවත් මේ තැන්වලට යන්න අකැමති? කියලයි කට්ටිය හිතන්නේ. ඒත් චාටර් කාපු අපිනෙ දන්නේ තැනේ තත්වෙ..(Display එක practice කරනවා දැකලා දැකලාම කොටුවෙ මිනිස්සු අපේ sports meet එකේ drill එක බලන්නේම නැතිලු. ඇයි ඉතින් ඔක්කොම out නේ :)) )

 මේ දවස්වලට අපේ කැන්ටිමට මාර බිස්නස්.ඇයි ඉතින් කට්ටිය අර අව් කාෂ්ඨකේ පිච්චි පිච්චි ඉඳලා ඉස්කෝලෙට එන්නෙ හාමතේ වගේම මාසයක් විතර කාන්තාරෙක අතරමං වෙලා හිටපු කට්ටියක් වගේ නේ =) ඉතින් හිස් වතුර බෝතල් වගේම කෑම පෙට්ටිත් මොනවා කරන්නද? මේ වෙලාවට තමයි කැන්ටින් දෙවියා පිහිට වෙන්නේ. බලන්න ඕන මේ වගෙ වෙලාවක කැන්ටිමේ ඉන්න සෙනඟ, රොත්ත පිටින්ම ඇවිල්ලා. උණු කැවුම් වගේ යන්නේ ඉතිං ice cream සහ milk packets තමයි.මේ වගේ දේකින් සිසිල් කරගත්ත හදවත්වල සිසිල යකාට යන්නේ කවුරුහරි ඇවිත් අවේලාවෙ කන්ටිමට ඇවිත් ඉන්නවා කියලා සද්දයක් දානකොට තමයි. ගිනි ඇවිලෙනවා. ඒත් මොනවා කරන්නද ආපහු හැරිලා පන්තියට බඩගාන්නෙ නැතුව ආයේ මොනවහරි ගිලින්න අතේ සතේ නැතිකොට.

අනිත් වැදගත්ම දේ තමයි අපිට කොච්චර මහන්සිද, අපි කාලා බීලාද කියලාවත් හොයන්නේ නැතුව drill practice එකට පස්සෙ තියෙන period එකට අදාල teacher බෙල් එකට වැදෙන්න නොදී පන්තියට එනකොට එපා වෙන හැටි. මොන මහන්සිද? හිටු කියලා ලියපල්ලාකෝ මහාවංශය වගේ මෙලෝ හසරක් නොතේරෙන එක එක notes:P

මතකද අපේ සහෝදරියොන්ට දහය වසරෙදි දවසක් අපි practices ඉවරවෙලා ඇවිත් jumbo jolly කකා ඉද්දී science මිස් පන්තියට ආවා උගන්නන්න. ඉතින් කට්ටිය ඩෙස් ලාච්චු අස්සෙ එහෙම හංගගෙන මිස් උගන්නන අතරෙ කෑවා නේ. මුළු පන්තියක් පිටින්ම...:D

9 වසරෙ drill එකට අපි ඇන්දේ රතුයි, සුදුයි stripes තියෙන zebra වගේ T-shirt එකකුයි,රතුපාට තුන්කාලෙ කලිසමකුයි :D
Picture Copyright : Google Image Search
අපි අන්තිමටම හැදුවා සිංහයෙක්ව. අර අපේ ජාතික කොඩියේ ඉන්නේ. අන්න ඒ සිංහයාව.ලස්සනට තිබුණාද කියලා නම් අපි නොදන්නෙමු. අපි ඒ සිංහයෙක් හැදුවෙ ඒ කාලෙ තත්ත්වය සලකලා නේ. ඒ යුද්ධය දිනාගෙන එමින් තිබූ වකවානුව. කට්ටිය දේශාභිමානයෙන් ඔද වැඩිලා හිටපු ඒ දවස්වල ඒ සිංහයා හදපු වැඩේ නම් වටිනවා.  එදා sports meet එකේදී සිංහයා හදලා වටපිටාව නිශ්ශබ්ද වුණාම අපිටත් පොඩි current පාරක් වගේ එකක් වැදුණා. පස්සෙ තමයි තේරුණේ ඒ දේශාභිමානයේ හැඟීමක් කියලා ;).


10 වසරෙ drill එක, එක අතකින් එළ. හැබැයි තව අතකින් නම් මාර විදියට එපා වෙනවා කන්න තියෙන කටු කෝටිය නිසාම. පහුගිය අවුරුද්දේ යුද්ධය දිනපු නිසා අපි හමුදාවට ගෞරව කරන්න ඕන කියන උතුම් සංකල්පය නිසා අපි අමාරුවෙ වැටුණා නේ. අපිට කරන්නවුණේ හමුදා drill එකක්.මේ අදහස වටිනවා තමයි. ඒත් එහෙමයි කියලා අපි කොහොමද අප්පා හමුදාවෙ අය විදියට march කරන්නේ? මේකෙන් සිද්ධවුණේ හමුදාවන්ටත් අපහාස වීම තමයි. =D මොනවා කරන්නද? ශෝක්ම වැඩේ තමයි අපිට ප්‍රධාන අමුත්තා විදියට ආපු හමුදාවෙ ලොකු මාමා කෙනෙකුට කැඳ salute පාරක් ගහන්න වුණ එක. ඒ ගැහුවෙ සමහර අත්වල gloves එක්ක. සමහර අත්වල gloves නැතුව. මේක නම් මොකද්ද හරියට costume එක නොලැබුණු ළමයි ගැන හිතද්දී.ඇයි ඉතින් අපේ costume එක අර මොන්ටිසෝරි බබාල අඳින ජාතියේ රතුපාට navy කිට් එකක් නේ. ඊයා...  

මේ මොනවා වුණත් මේ සරඹ සංදර්ශන අපේ පාසල් ජීවිතේට රසවත් මතක එකතුකරා. මේ වැඩේට අපේ මොනිකා මිස්ටයි, ශාමේන් මිස්ටයි අනිත් මිස්ලා ඔක්කෝටමත් ස්තූති කරන්න ඕනෙ (සමහර වෙලාවට අපි විසින්ම අල කරගත්තත්) මේ වගෙ අවස්ථාවක් වෙහෙස මහන්සියෙන් අපිට අරගෙන දුන්නාට. :)



*මේ විදියට අපේ අය අතරින් යහපත්වුණේ වකා වගේ කට්ටිය විතරයි. අනිත් අය හෝ ගාල sun screen cream වර්ග මූණු, අතපය හැමතැනම තට්ටු තට්ටු උලාගෙන එළියට බහින්නේ...ගොඩාක් කාලයක් අමාරුවෙන් maintain කරගත්ත ඡවි කල්‍යාණයට හානි වෙනවට. සමහරු insuranceපවා අරගෙන තිබුණා.:))) බලාගෙන යනකොට මේ කට්ටිය හරි මෝඩයි. ඇයි අනේ ඉර මාමා අපිට නොමිලේම දෙන රැස්වලින් උදේ පාන්දරම vitamin D සත්කාරයක් ගන්න මෙයාලට පින නෑ. :P

Sunday, October 28, 2012

අපේ class එක 2011-ළඟම දුක්බරම මතකය

01. හැරයන්නට සිත නොදෙනා....අපි අපේම වේ නම්



දවස : 2011 දෙසැම්බර් 01- සා/පෙ ට දවස් එකොලහකට කලින්

සිතේ ස්වභාවය : චංචලයි, දුක්ඛිතයි

 හේතුව : අපි ඉස්කොලේ එකට ඉන්න අන්තිම දවස.....


මෙදා මේ ඔක්කොම ඡායාරූප ගන්න, කයිය ගහන්න පොරකෑවත්....ගොඩාක්ම දෙනාගෙ හිත්වල ....කියාගන්න බැරිතරම් මහාම මහා දුකක් හැංගිලා තිබුණා

Saturday, October 20, 2012

අට වසර

අපේ පන්තිය තිබුණෙ මෙන්නෙ මේ ගොඩනැඟිල්ලේ

අයියෝ අට වසර.... නියමයි. රූපසිංහ මිස් ගේ නිදිමත සිංහල පාඩම අහගෙන කිරාවැටෙන්න වගේම හැමවෙලාවකම Sectional Head සහබන්දු මිස්ගෙ හිනාවෙවී බනින එව්වා අහගෙන සිරාවටම ජොලි කර කර අපි පන්තියේ හිටියා:. 

ුලින්ම Class Teacher වුණු වින්ධ්‍යා මිස් නියමයි. මිස් හැමදෙයක්ම ලියන්නේ English Capitalsවලින් විතරමයි. ඉතින් ඒක අපිට  fun තමයි. මිස් අපිට Western Provinceවල Past Test Papers ගෙනල්ලා Assessment Boxes හදලා දුන්නා. ඒත් කවුද අප්පා ඕවා කරන්නේ?:P ඇයි එකපාරක් මිස් පන්තියේ හොඳම ශිෂ්‍යාව තේරුවා නේ...:D

අපේ Next Class Teacher වුණේ ඉන්දිකා මිස්. මිස් ඉතින් කාලේ අපිට මාරම Strict . වාර විභාගය ඉවර වුණහම Papers ගෙදර ගෙනිහින් File කරලා Parentsලාගෙ Sign එකත් එක්ක ආයෙම ගෙනල්ලා පෙන්නන්න ඕනෙ. හ්හ්හ්හ්හ්....මිස් අපිව බදාදා දවස්වලට පන්තියෙන් එළියට දාලා කේශාන්තයේ සිට පාදාන්තය දක්වාම හොඳින් Check කරලයි පන්තියට ගන්නේ. දිග නියපොතු, Shape කරපු Eyebrows දැක්කොත් කපෝතියි... ඒත් මිස් දේවල්  කරේ අපිව හොඳ ළමයි කරන්න නේ.

අපේ ආදරණීය සරත් සර් මුලින්ම අපිට බුද්ධාගම උගන්නන්න ආවෙත් මේ අවුරුද්දේ. අපෝ අපි තාමත් සර්ට මාර බයයි නේ..

හැම මිස්ලාම English Medium Class එකට බැන්නත්, අපේ සහබන්දු මිස් අපිට ආදරෙයි. මට මතකයි සමහර දවස්වලට මිස් අපේ ලාෂිණීගේ School Bag  එක හංගනවා ඉස්කෝලෙ ඇරිලා යන්න බැරි වෙන්න  :D:

අපේ පන්ති තිබුණු Building එකේ තිබුණෙ කොට බිත්ති නේ. ඉතින් අපි උදේ පාන්දරම පන්තියට ගියපු දවසට (6.30 විතර ) පන්තිය වහලා නේ. අපි කරන්නේ ඉතින් කොල්ලො වගේ කොට බිත්තියෙ තියෙන ගේට්ටුව උඩට නැඟලා, ඒක උඩ ඉඳන් පන්තියට පනින එක. දවසක් වැඩේට අපි බැනුම් ඇහුවා වගේ මතකයකුත් වකාගේ හිතේ අපැහැදිලිව තියෙනවා. ඔන්න ඕවානේ පාසල් ජීවිතේ රසබර අත්දැකීම්...

 අහ් තව දෙයක්. ඒ කාලෙ කැන්ටිමට අපි නිසා මාර ප්‍රොෆිට් එකක් ලැබුණා. ඒ අර රුපියල් දහයෙ 50 50 අයිස්ක්‍රීම් එක නිසා. කහපාටයි කොළපාටයි :) පොකැට්ටුවටත් ලාබයි, කැන්ටිමේ අනිත් කෑමවලට සාපේක්ෂව නම් මේක අපිට දිව්‍යමය භෝජනයක් වුණා. ඒකාලෙම තමයි වොන්ඩර්බයිට් නුත් කැන්ටිමට ආවෙ මට මතක හැටියට.


කට්ටියට මතක ඇති අපිට Maths කරපු අවන්ති මිස්ට පොත් පෙන්නන්න පොරකාපු හැටි. එතකොට අර ඉශානි මිස්ගෙ Health සහ Science පාඩම්. ආඃ තව එකක් ...මතකද දන්නේ නෑ අර Training College එකට කොටින්ගෙ Threats කියලා හැමදාම අම්පාරෙ ගිහින් පරක්කුවෙලා ඉස්කෝලෙට දුවගෙන ඇවිත් අපේ වතුර බෝතල් හිස් කරපු සර්.....

අපේ වගා සංග්‍රාමය මතකද?
අපේ පන්තිය ළඟ තිබිණු මුහුදුබඩ නිසරු මුඩුබිමක් සාරවත් පොළොවක් බවට පත් කරන්න අපි ගත්ත මහන්සිය...මතකයි අපි පුළුවන් විදියට තණකොළ එහෙම ගලවලා, ගල් එහෙම ඉවත්කරලා, පස් කන්ද කපලා, පඩිපෙළක් හදලා, පාත්තිවලට ගෙවල්වලින් පෝර, පොල්ලෙලි ගෙනිහින් වම්බටු, බණ්ඩක්කා එහෙම ඉන්දලා පලදාව එහෙමත් ගත්තානේ...කොහොමද අපේ වැඩ??   :D

"හැමදාම අපේ පන්තිය අනිත් පන්ති අතර කොන්වුණා. අපිට හැමදාම ලැබුණෙ අඩුපාඩු පිරිච්ච, එපාකරපු පන්තිකාමර. ඉතින් එපාවුණා අපි හැමෝටම පන්තිවල ඉන්න පවා. මට මතකයි ඒකෙ Result එකක් විදියට තමයි ළමයි පන්තිය අතුනොගා Corridor එක අතුගාන්න පොරකෑවෙත්...."

නොලියා ඉන්න බැරි නිසා ඉහත ඡේදයත් ලිව්වා. ඇත්ත නිසා මොකටද බයවෙන්නේ?

ඉංග්‍රීසි මාධ්‍ය පන්තියට වෙන ඉස්කෝලවල හොඳට සළකද්දී, අපිට මෙහෙමයි වුණෙ...බරපතල විස්තර ඉස්සරහ පෝස්ට්වල. මේ දේවල් ලියන්නෙ අපෙ මානසික ලෙඩකට නම් නෙවෙයි. අපෙන් පස්සෙ, ඒ කියන්නෙ 2011 ඕ ලෙවල් අයගෙන් පස්සෙ ඉස්කෝලෙ ඉන්න අපෙ අනිත් නංගිලාටවත්, කිසිම භේදයක් නැතිව ඉගෙනගන්න දෙන්න.

ගොඩාක් කට්ට කාලත් අපි යාළුවො ටික හොඳට වැඩ ටික කරගෙන හිටියා. අපිව වට්ටවන්න කාටවත් බැරිවුණා වගේමයි ඉස්සරහටත් අපේ සෙට් එක ලොවෙත් වට්ටන්න නම් දෙන්නෙ නෑ


Saturday, October 13, 2012

Friendship Song - ඔන්න අපේ කට්ටියට...


Saturday, October 6, 2012

වෙසක් කූඩුව




අවූරුදු ගාණක් තිස්සෙම අපේ පංතියේ හතළිස් දෙනාම එකට එකතු වෙලා කරන
ලොකුම වැඩේ තමයි ඉස්කෝලෙ තියෙන වෙසක් කූඩු තරඟෙට කූඩුවක් හදන එක.

ඉතින් ඒ දවසවලට ඔක්කොම අය එකට එකතුවෙන නිසා සමහර වෙලාවට අර
 මුළු පන්තියටම විනෝදය සපයන තරහකාරයො සෙට් උනත් අමතක වෙලා
කතාබහ කරනවා. අනිත් වැදගත්ම දේ තමයි ඒ දවස්වලට අපෙ පන්තියේ ඉන්න
 බෞද්ධ, කතෝලික වගේම ඉස්ලාම් කෙල්ලොත් කිසිම අවුලක් නැතුව,
තේරිල්ලක් නැතුව හරි හරියට වැඩ කරන එක.

කෞමදී, ටර්ජිනී, පූර්, ආශිකා, සෙනූ, මම(වකා), කාලිදා, සඳලිකා.....(අපෝ ඔක්කොගෙම
 නම් කියන්න බෑ. හැබැයි අපි හතළිහක් ඉන්නවා) අපි ටික එකතුවෙලා මුළින්ම
කරන්නේ ඉතින් ඡන්දයක් එහෙම තියලා ඩිසයින් එකක් තෝරගන්න එක.
 හැබැයි ඉතින් අපේ ඩිසයින් කවදත් ගැළපුනේ පිටසක්වලට තමයි. තව එකක්..
මේ ඡන්දයේදි ඉතින් මරාගත්තෙ නැති අවුරුද්දකුත් පහුගිය 2006-2011 කාලය
 ඇතුලෙ තිබුනෙ නැද්ද කොහෙද. ;)

කොහොම කොහොමහරි අන්තිමේදි තීරණයකට ආවා කියමුකෝ... ඒත් ඉතින්
 කූඩුව හදන්න ඕන කරන බඩු ටික ගෙන්න ගන්න අපි කීපදෙනෙකුට අපේම
එවුන්ගෙ පාමුල වැඳ වැටෙන්න වෙනවා. උන්ට සමහර වෙලාවට වැන්දත්
ගානක් නෑ. ගහලා බැනලා තමයි වැඩේ අන්තිමට කරගන්නේ. වෙලාවට අපේ
 කෞ අක්කාගෙ කටේ ලොකු බලයක් තියෙනවා. (මම මේ කෞ අක්කට ගොට්ට
 එහෙම දානවා නෙවෙයී)





අපේ plan එකට අනුව හදන කූඩුවකට අවශ්‍ය දේවල් මාර දුර්ලභයි ඒ කාලෙට. ඇයි ඉතිං ඉරටු, මටළු, බට කෝටු, කෙහෙල්බඩ.....ආපෝ තව ගොඩාක් ජාති අරගෙන යන්න එපැයි.ඒ අපි කාලෙක ඉඳලාම green lanternsහදන්න පුරුදු වෙච්ච නිසා.අනික අපේ බහුතරයක් මිතුරියෝ නගරවැස්සොනේ.ඉතින් ගොඩාක් අවුරුදුවල වකාලට, චානිකාලට, පූර්ලට,...සහ නගරෙ හිටියත් කෞ අක්කාටයි, මාරයිටිස්ටයි තමයි ඔක්කොම ලට්ට ලොට්ට උස්සගෙන එන්න වෙන්නේ. ඒක නම් අවුලක් නෑ.අපි කරන්නේ හොඳ වැඩක් නේ.

:P :P :P :P

ඔයින් මෙයින් කොහොමහරි බඩු මුට්ටු එකතුකරගෙන, සුභ නැකතක් එහෙම බලලා :P වෙසක් කූඩු හදන්න අන්තිම මොහොතෙදී මුල පුරන අපිට වැඩේට බැස්සහම අත අරින්න නම් කීයටවත් හිතෙන්නෙ නෑ, ඉතිං අපි අනන්තවත් බැනූම් අහනවා උගන්නන වෙලාවටයි,ඉස්කෝලෙ වෙලාවටයි සියල්ලම පසෙකලා කූඩු හදනවා කියලා. එහෙම තමයි. කවුරුහරි දියුණු වෙනකොට වැදෙන ගල් ගාණ කොහොමත් වැඩියි නේ. දන්නවද? මතකද? ගිය අවුරුද්දේ  කට්ටියක් ඇවිත් අපිට දරුණු විදියට චෝදනා කරා අපි කූඩු හැදුවෙ internet එකෙන් copy කරලා කියලා. ඒ මොන කුණු බොරුවක්ද? මේ කතාව දැනගත්ත ගමන්ම සමහරු ගෙවල්වල ගිහින් internet එක පීරුවා අපේ කූඩුව copyයක්ද බලන්න අර තරහකාරයොන්ගේ :(:(කෙප්පයට රැවටිලා.

මම කැමතියි චුට්ටක් 11 වසරෙදි හදපු කූඩුව ගැන විස්තර කරන්න.ඒ කූඩුවහදනකොට අපේ ගොඩක් කට්ටියට සිහිවුණා මෙ අපි 40ම එකට එකතුවෙලා ඉස්කෝලෙදී හදන අන්තිම කූඩුව නේද කියලා. කට්ටියටම දුකයි.ඒ නිසා ඒ සැරේ ළමයි ඔක්කොගෙම වගේ හොඳ කැපී පෙනෙන active participation  එකක් තිබුණා.

වෙසක් කූඩුව හැදුවෙ අපි තරඟෙන් දිනන්න තමයි.ඒත් අපි නොදැනුවත්වම වෙසක් කූඩුව කරලා තිබ්බේ අපේ කට්ටිය අතරෙ සමඟිය වර්ධනය කරපු එක. අපිව එකතුකරපු එක. මම ආයෙ ආයෙත් කියන්න කැමතියි අපි 40ම ජාති, ආගම් මොනවා වුණත් වෙසක් කූඩුවෙ වැඩේට වගේම අනිත් common වැඩවලටත් එකා වගේ set වෙනවා කියලා. :)

ඉතිං මේ 11 කූඩුව හදද්දී අපිට ගොඩාක් රසමුසු දේවල් සිද්ධවුණා.අපි එක දවසක් දුල්මිණී මිස්ගෙ හවස science class එකෙන් පස්සෙ නැවතුණා කූඩුව හදන්න. ඒ සිකුරාදා දවසක්. ඒ වෙලාවෙ කට්ටිය කූඩු හදනව කෙසේ වෙතත් හොඳට මරාගත්තා. හැබැයි කූඩුවත් හැදුණා. :D

 කොහොමහරි වැඩ අධික නිසා අපිට නියමිත දවසේ උදේ වෙනකොටකූඩුව නියම්ටත තැන set කරන්න බැරිවුණා. අපි වැඩ ඉවරකරලා තිබ්බේ නෑ.ඉතිං ඒදා අපි ඉස්කෝලෙට ගියපු වෙලාවෙ ඉඳන් කූඩුව හදලා ඉවර කරන්න පටන්ගත්තා.එදා අපි නම් ගාථා කිව්වෙවත් නෑ උදේට.මිස් වෙලාවට පාන්දරම පන්තියට ආවෙත් නෑ වගේ මතකයි.ඉතින් අහන්නත් දෙයක්ද එදා අපේ පන්තිය යුද්ධ පිටියක් වුණු හැටි. හැබැයි හැමෝම ගොඩාක් මහන්සිවුණා පොල් මල් අමුනන්න, ලී ගැටගහන්න, කූඩු අලවන්න, පාට කරන්න, එල්ලන්න. සමහරුන්ගෙ ඇඳුම් black paintවලින් නෑවිලා. :D :D සමහරු පිහිවලට අතුත් කපාගත්තා :'( , uniform ඉරාගත්තා.හ්ම්ම්ම්....ඔහොම තමයි.කට්ටියම කඩිගුල වගේ ඇවිස්සිලා ඉන්නකොට අනිත් පන්තිවල සමහරු ඇවිත් උපහාස, අපහාස අපිට එල්ල කරේ නැතුව නෙවෙයි. ඒත්, ඒවාට සැලි සැලී ඉන්නවත් අපිට තත්පරයක විවේකයක් තිබ්බේ නෑ.

ඔක්කොම හදලා කූඩු ටික fix කරලත් බැලුවා කියමුකෝ. ඊළඟටයි අපිට මතක්වුණේ තරඟෙට අපි කූඩුව තියන්න ඕනේ පහල කියලා. දැන් ගෙනියපන් මේ අටවගත්ත කූඩුරාජයා පල්ලෙහාට!! මොන විදියට හිතුවත් ගෙනියන්න විදියක් ආවෙම නෑ හිතට.අපි බැලුවෙ ලණු මඟින් stand එක සහිත කූඩු ටික principal’s office එක ළඟට උඩ ඉඳලා පාත් කරන්න. වැඩේ අමාරුයි. ඒ වගේම භයානකයි. ඉතින් අපි රථවාහන පොලීසියේ අය විදියට අපේ අයව appoint කරලා, ටිකකට පඩිපෙළ වහලා stand රාජයා පහලට වැඩැම්මුවා.ඒ පඩිපෙළ භාගෙට zigzag නිසා වැඩේට විනාඩි 10ක් විතර ගියා. ඊළඟට ආයේ කූඩු ටික stand එකට fix කරා. හ්හ්හ්.....දැන් නම් කට්ටියට මහන්සියි. ඇයි ඉතින් මාර වෙලාවක මෙහෙයුමක් නේ දුන්නේ. ;)

අපේ මහා කූඩු රාජයා මැඩම්ගෙ office  එක ළඟ විරාජමානව ඉන්න හැටිත්, Army ground එකට ගිහින් මහජන බැංකුවේතරඟයට සහභාගී වූ හැටිත් තමයි මේ slideshow එකේ තියෙන්නේ.අපිට පස්සෙ prize giving ඒකේදී තෑග්ගකුත් ලැබුණා මේ වැඩේට.


නඩේ ඉන්න අනිත් ඈයෝ....සහෘද හදවත්

ලියන්නේ...